Дар шаҳри Уммони Урдун аз 27-уми феврал то 15-уми марти соли ҷорӣ Қаҳрамонии бокси Осиё миёни наврасону ҷавонон баргузор мешавад.
Дар ин қаҳрамонӣ 27 варзишгари тоҷик, ки дар байнашон 5 духтар низ ҳаст, дар вазнҳои аз 46 кг то 92 кг бо ҳарифони худ қувваозмоӣ хоҳанд кард.
Бино ба иттилои Кумитаи миллии олимпии Тоҷикистон, варзишгаронро дар ин сафар мураббиён Парвиз Ахмедов, Носирҷон Азимов, Ҷамшед Султонов, Мамадҷон Сулаймонов, Саидхоҷа Маъмуров, Тоирҷон Аглухов, Масрур Шобеков, Муродхон Аскаров, Хуршед Абдуллоев ва директори иҷроияи Федератсияи бокси Тоҷикистон Комрон Файзов ҳамроҳӣ мекунанд.
Муҳорибаҳо рӯзи 2-юми март оғоз шуда, давраҳои финалӣ дар рӯзҳои 13 ва 14-уми март ба нақша гирифта шудааст.
Дар ин мусобиқа дар миёни ҷавонон аз духтару писар 51 қаҳрамон ва миёни наврасон низ 51 қаҳрамон муайян карда мешавад.
