Дар Ҷоми ҷудои Осиё байни наврасон ва ҷавонон, ки дар Тошканд баргузор мешавад, Тоҷикистонро 28 варзишгар намояндагӣ хоҳад кард.
Бино ба иттилои Федератсияи ҷудои Тоҷикистон, ин мусобиқа рӯзҳои 5-8 апрели соли ҷорӣ дар пойтахти Узбекистон, шаҳри Тошканд баргузор мешавад.
Дар қувваозмоиҳо байни наврасон, ки рӯзҳои 5 ва 6-уми апрел баргузор мегардад, 9 варзишгари навраси тоҷик ширкат мекунанд.
Мусобиқа байни ҷавонон рӯзҳои 7 ва 8-уми апрел баргузор гардида, дар он 19 варзишгар Тоҷикистонро намояндагӣ мекунанд.
Дар Ҷоми ҷудои Осиё миёни наврасон 312 варзишгар (233 мард ва 79 зан) ва миёни ҷавонон 187 варзишгар (128 мард ва 59 зан) аз 4 кишвари қора ширкат мекунанд.
