Дар Тоҷикистон дар се моҳи аввали соли ҷорӣ 6,5 ҳазор ҷиноят ба қайд гирифта шудааст.
Тибқи маълумоти Агентии омори кишвар, ин рақам нисбат ба ҳамин давраи соли гузашта 9,1 дарсад камтар аст.
Дар ин давра дар муқоиса бо моҳҳои январ–марти соли 2021 шумораи ҷиноятҳо дар вилояти Хатлон 17,6 %, ВМКБ 9,8 %, ноҳияҳои тобеи ҷумҳурӣ 14,9 % ва вилояти Суғд 5,9 % камтар ба қайд гирифта шудааст.
Аммо шумораи ҷиноятҳои ба қайд гирифташуда дар се моҳи аввали соли ҷорӣ дар шаҳри Душанбе 8,6% зиёд шудааст.
Дар ҳамин давра шумораи ҷиноятҳои вазнин беш аз 1,4 ҳазор ҳолатро ташкил дода, ки нисбат ба моҳҳои январ-марти соли 2021 2,2 % кам мебошад.
Сатҳи умумии ошкор кардани ҷиноятҳо дар моҳҳои январ-марти соли 2022 65,7 дарсадро ташкил дода, дар ҳамин давраи соли гузашта 71 дарсади ҷиноятҳои ба қайд гирифташуда ошкор карда шудаанд.
