Гурӯҳи кории топографии Тоҷикистону Қирғизистон дар нишасти ахири худ дар таъйин ва аломатгузории 47,05 кимломатери марзи муштарак ба мувофиқа расиданд.
Бино ба иттилои раоснаҳои расмии тоҷикӣ ва қирғизӣ, ин мулоқоти гурӯҳҳои корӣ аз 8-ум то 14-уми декабри соли ҷорӣ дар шаҳри Бодканди Қирғизистон идома дошт.
Ду ҷониб танҳо аз тавофуқи беш аз 47 километри марз хабар додаанд, аммо ин нуқтаи мувофиқашуда дар кадом қитъаи марз ва ё кадом ноҳияҳои марзӣ аст ва ё бо кадом шарту гузаштҳое ҳосил шудааст, чизе гуфта намешавад.
Мақомоти ду кишвар аз натиҷаҳои хуби музокирот дар бораи таъйин ва аломатгузории марзи муштарак мегӯянд ва ба гуфтаи раисҷумҳури Қирғизистон, Содир Ҷабборов, ба эҳтимоли зиёд тавофуқи ниҳоӣ дар ин масъала то баҳори соли оянда ҳал хоҳад шуд.
Ҳамзамон дар мулоқоти расиноми КДАМ-и Тоҷикистону Қирғизистон, Саймумин Ятимов ва Қамчибек Тошиев рӯзи 12-уми декабри соли ҷорӣ таъкид карданд, тақрибан дар таъйин ва аломатгузории беш аз 90 дарсади марзи ду кишвар ба мувофиқа расиданд.
Тоҷикистон ва Қирғизистон бо ҳам 980 километр марзи муштарак доранд, ки то ин лаҳза садҳо километри он муайян шудааст.
Дар соли 2023, бахусус дар 3 моҳи ахир, ҳайтҳои корӣ ва топографии ҳукуматҳои Тоҷикистону Қирғизизистон фаъолияти худро бештар карда, ҷонибҳо аз мувофиқаи беш аз 100 километр марзи давлатӣ хабар доданд.
Ёдовар мешавем, ки давоми 2-3 соли ахир борҳо байни сокинони марзии ду кишвар бар сари нуқтаҳои аломатгузоринашудаи марз даргириҳо рух дод, ки дар натҷиаи ин муноқишаҳо аз ду тараф даҳҳо кушта ва захмӣ баҷо гузошт.
