Мунтахаби ҷавонони Тоҷикистон (U-20) дар марҳилаи ниҳоии футболи “Ҷоми Осиё-2023” дар гурӯҳи “С” бозӣ хоҳад кард.
Акс: ИнтернетДар ҷараёни қуръакашӣ, ки имрӯз, 26-уми октябр дар шаҳри Тошканд баргузор гардид, шонздаҳ даста ба чаҳор гурӯҳ (“А”, “В”, “С” ва “D”) тақсим шуданд, ки ҳар гурӯҳ аз чаҳор мунтахабӣ иборат аст. Мунтахаби ҷавонони Тоҷикистон (U-20) дар гурӯҳи “С” қарор гирифта, дар он бо тимҳои Кореяи Ҷанубӣ, Урдун ва Уммон бозӣ хоҳад кард.
Акс: ИнтернетБино ба иттилои Федератсияи футболи Тоҷикистон (ФФТ) “Ҷоми Осиё-2023” миёни ҷавонон аз 1-ум то 18-уми март дар Узбекистон баргузор мегардад.