Торористон дар давоми як соли ахир дар ҳаҷми 35 миллон доллари амрикоӣ ба Тоҷикистон маҳсулоти нафтӣ содир кардааст.
Дар ин бора 4-уми сентябри соли 2024, расонаҳои русӣ аз қавли Олег Коробченко, муовини Сарвазири Тотористон, ки дар як нишасте дар шаҳри Душанбе гуфтааст, хабар доданд.
Ба қавли манбаъ, Олег Коробченко дар шарҳи ин иттилоъ гуфтааст: “Мо 35 миллион тонна нафт истихроҷ мекунем ва то 70 дарсадашро коркард менамоем. Тоҷикистон шарики стратегии мо дар масъалаи содирот мебошад. Ва ман фикр мекунам, ки интиқол бояд афзоиш ёбад, зеро Ҷумҳурии Тоҷикистон миқдори зиёди маҳсулоти нафтӣ лозим дорад ва содироти минбаъда ба таври мувофиқ амалӣ карда мешавад.”
Муовини Сарвазири Тотористон ҳамчунин қайд карда, ки ширкатҳои нафтии Тотористон имконияти гузаронидани корҳои иктишофи геологӣ дар ҳудуди Тоҷикистонро бо мақсади ҷустуҷӯи кони нафт баррасӣ мекунанд.
Гуфта мешавад, бо вуҷуди бозорҳои наздиктар ва арзонтари нафт ва маҳсулоти нафтӣ дар минтақа, ба мисли Қазоқистону Туркманистон ва Эрону Озарбойҷон Эмомалӣ Раҳмон давоми беш аз се даҳа аз ҳукуматдориаш пайваста талош кардааст, ки Тоҷикистонро ба нафти содиротии Русия вобаста нигаҳ бидорад ва ҷониби Русия ҳам ҳар вақте бихоҳад қимати маҳсулоти нафтиро каму зиёд карда, аз ин тариқ болои мардуми кишвар фишор меорад.
