Бино ба иттилои расмӣ, субҳи имрӯз, 23-уми октябри соли 2023 дар шаҳри Душанбе сафирони нави фавқулодда ва мухтори 10 кишвари дуру наздик ба Эмомалӣ Раҳмон эътимоднома супориданд.
Ба қавли манбаъ, имрӯз сафирони нави фавқулъодда ва мухтори кишварҳои Туркманистон, Эрон, Покистон, Олмон, Фаронса, Конфедератсияи Швейтсария, Муғулистон, Ҷумҳурии Сотсиалистии Ветнам, Ҷумҳурии Филиппин ва Ҷумҳурии Мардумии Демократии Корея баъд аз супоридани эътимоднома расман пурра ба кори худ оғоз карданд.
Гуфта мешавад, Президенти Тоҷикистон ҳангоми дидор ва гуфтугӯ бо ин сафирони нав “омодагии Тоҷикистонро ҷиҳати густаришу тавсеаи ҳамкориҳои кишварҳо дар сатҳи дуҷониба ва бисёрҷониба” хабар додааст.
