Дар натиҷаи як заминларзаи шадид дар шарқи Афғонистон садҳо нафар кушта, захмӣ ва ҳазорон каси дигар бесарпаноҳ монданд.
22-уми июни соли 2022 Хабаргузории давлатии Афғонистон “ Гуфта мешавад, дар байни қурбониёни ин ҳодиса занону кӯдакони зиёде низ вуҷуд дорад ва дар баъзе оилаҳои дигар бошад ба ҷуз як ё ду фарзанди хурдсоли онҳо дигар касе зинда намондааст. Бар асоси маълумоти идораи зилзиласанҷии Амрико шиддати ин заминларза ба миқёси рихтер 6,1 балро ташкил дода, маркази он вилояти Хуст будааст. Таконҳои ин заминҷунбӣ дар минтақаҳои ҳамҷивор аз он ҷумла дар Кобул ва бархе ноҳияҳои наздисарҳадии Покистон низ эҳсос шудааст.
