Соли гузашта гардиши ҳамҷми молу колоҳои тиҷоратӣ байни Тоҷикистон ва Русия афзоиш ёфтааст.
Бино ба иттилои расмӣ, 21-уми феврали соли 2024, Президенти Тоҷикистон Эмомалӣ Раҳмон бо Президенти Русия Владимир Путин дар ҳошияи расми ифтитоҳи “Бозиҳои оянда”-и шаҳри Қазони Тотористон мулоқот карданд.
Ба иттилои Хадамоти матбуоти Президенти Тоҷикистон, дар рафти ин мулоқот “ҳолати имрӯза ва дурнамои муносибатҳои дуҷониба, ҳамчунин масоили алоҳидаи байналмилалию минтақавӣ баррасӣ шуд.”
Инчунин таъкид гардидааст, ки дар соли 2023 ҳаҷми гардиши дуҷонибаи мол байни Тоҷикистону Русия 2,5 фоиз афзоиш ёфта, ба 1 миллиарду 800 миллион доллари амрикоӣ расид ва Русия пешсафии худро дар ҳаҷми умумии тиҷорати хориҷии Тоҷикистон нигоҳ доштааст.”
Имрӯз, 22-уми феврал Эмомалӣ Раҳмон бо Президенти Тотористон Рустам Минниханов низ мулоқот карда, музокироти дуҷониба байни ҳайатҳои расмии ду кишвар низ баргузор гардидааст.
Инчунин пас аз ин мулоқот, аз ҷониби Президенти Ҷумҳурии Тотористони Федератсияи Русия Рустам Минниханов ба Эмомалӣ Раҳмон бо мукофоти олӣ-ордени “Дуслик” (Дӯстӣ) дода шуд. Эмомалӣ Раҳмон ин мукофоти олиро баҳои арзанда ба тамоми мардуми Тоҷикистон мансуб дониста аст.
Ёдовар мешавем, ки зуҳри дирӯз Эмомаль Ращмон барои иштирок дар расми ифтитоҳи мусобиқоти “Бозиҳои оянда”-и шаҳри Қазон дар раъси як ҳайати расмӣ ба Тотористон рафта буд.
