Бар асари як садамаи нақлиётӣ дар шаҳри Душанбе 4 нафар ба ҳалокат расида, ду каси дигар бо ҷароҳатҳои вазнин роҳии бемористон шудаанд.
Бино ба иттилои расмӣ, шоми 21-уми июни соли 2023, тақрибан соати 17:20 дақиқа як автомашинаи тамғаи “БМВ” бо автомашинаи тамғаи “Мерседес” бархӯрда, “дар натиҷаи ин садамаи нақлиётӣ ронанда ва 3-нафар мусофирони автомашинаи тамғаи “Мерседес” ба ҳалокат расидаанд.”
Раёсати Вазорати корҳои дохилӣ дар шаҳри Душанбе бидуни фош кардани ҳувияти мусофирон ва ронандаи автомашинаи тамғаи “Мерседес”, ки гуфтааст, “ҳамзамон ронанда ва як нафар мусофири автомашинаи тамғаи “БМВ” ҷароҳатҳои ҷисмонӣ бардошта, дар беморхона бистарӣ карда шудаанд.”
Гуфта мешавад, Раёсати корҳои дохилӣ дар шаҳри Душанбе таъкид карда ронандаи автомашинаи тамғаи “БМВ”, рақамҳои қайди транзитиаш С0496 j07, ки аз вай Ҳабибзода Орзӯ ном бурда мешавад, “ҳангоми ҳаракат аз самти кӯчаи Н.Ганҷавӣ ба самти кӯчаи Сомон, дар назди тарабхонаи “Чаманоро” ба самти муқобили ҳаракати роҳ баромада, ба автомашинаи тамғаи “Мерседес”, рақамоҳои қайди давлатиаш 3177МВ01 бархӯрдааст.”
Аммо бархе корбарон Раёсати корҳои дохилӣ дар шаҳри Душанберо ба “дурӯғгӯӣ” муттаҳам карда гуфтаанд, ки рақамҳои давлатии автомашинаи тамғаи “BMW” “транзит набуд”, бояд “росташро нависед”.
Вазорати корҳои дохилии Тоҷикистон гуфтааст, ки “вобаста ба ҳолати мазкур, маводҳои зарурӣ тартиб дода шуда, мавриди тафтишоти пешакӣ қарор дорад.”
