Президенти Тукрия дар Тошканд гуфтааст, ки кишвараш омодаи иҷрои нашқи зомин дар Ғазза аст.
Бино ба иттилои расонаҳо, 9-уми ноябри соли 2023 Президенти Туркия Раҷаб Тайиб Ардуғон ҳангоми мулоқот бо ҳамтои эронии худ Иброҳим Раисӣ дар Тошканд, пойтахти Узбекистон дар барои вазъи Фаластин ва бахусус ҷанг дар Ғазза гуфтугӯ кардааст.
Ба қавли манбаъ, Раҷаб Тайиб Ардуғон таъкид карда, ки “ҷаҳони ислом дар баробари ҳамлаҳои Исроил ба Ғазза мавзеъи муштарак бигард ва бояд фишор ба Исроилро афзоиш диҳад.”
Пеш аз ин ҳам Президенти Туркия дар ҷамъи ҳаводорони худ дар Истанбул гуфта буд, ки Ҳаракати муқовимати исломии Фаластин (ҲАМОС) як созмони озодихоҳ ва размандагони он муҷоҳидоне ҳастанд, ки барои озодии сарзамини худашон мубориза мебаранд.
Ба дунболи ин мавзеъгирии раисҷумҳури Туркия ҷониби Исроил нороҳат шуд ва эълом карда буд, ки дипломатҳои худро аз Туркия фарохондааст. Туркия ҳам баъдтар ба баҳонаи он ки ҳамла ба мардуми Ғазза ҷинояти ҷангӣ ва наслкушӣ арзёбӣ мешавад, сафири худ аз Ирсоилро фарохонд ва Ардуғон ҳам таъкид карда буд, ки “Нетаняҳу касе нест, ки бо вай суҳбат кард.”
Вазорати беҳдошти Фаластин, пас аз оғози диргирҳо миёни нерӯҳои ҲАМОС ва Исроил дар 7-уми октябри соли ҷорӣ то имрӯз, ки 34 рӯз сипарӣ мешавад, шумори кушташудагон дар Ғазза ба 10 ҳазору 812 нафар расида, ки аз ин теъдод 4412 нафар кӯдак ва 2918 нафаршон занон мебошанд. Ин ниҳоди фаластинӣ шумори захмиёнро то имрӯз наздик ба 27 ҳазор эълон кардааст.
Аммо мақомоти исроилӣ то кунун омори кушташудагонаро 1400 нафар ва асиронро, ки дар дасти ҲАМОС ҳастанд, байни 200 то 250 нафар мегӯянд. Инчунин мақомоти Исроил омори захмиёнро 5400 нафар гузориш додаанд.
Ҳамзамон расонаҳо аз шиддат гирифтани даргириҳо ва ҳамлаи нерӯҳои артиши Исроил ба Каронаи Бохтарӣ ва аз афзоиши боздошту куштори мардуми маҳаллӣ хабар медиҳанд.
