Раиси сиёсати хориҷии Иттиҳоди Аврупо Ҷозеп Боррел дар як изҳороте Русияро масъули сар задани буҳрони ҷаҳонии маводи ғизоӣ донист.
Изҳороти Ҷозеп Боррел, масъули сиёсати хориҷии Иттиҳоди Аврупо дар ҳоле равонаӣ мешавад, ки чанд рӯз пеш мақомоти Кремлин тавофуқи ин кишвар бо Украинаро дар мавриди содироти ғалладона аз тариқи баҳри Сиёҳ боздошт.
Ҷозеп Боррел дар нишасти вазирони корҳои хориҷии Иттиҳоди Аврупо ба расонаҳо гуфт, ки ин амалкарди Русия, яъне ба ҳолати таълиқ даровардани содироти ғалла ба хориҷ аз Украина, як буҳрони ғизоии бузургеро дар ҷаҳон ба вуҷуд хоҳад овард.
Ин масъули сиёсати хориҷии Аврупо ҳамчунин Русияро ба он муттаҳам кард, ки амдан ба зерсохторҳои захирасозӣ ғалладона дар шаҳрҳои бандарӣ, аз ҷумла шаҳри Одесса, воқеъ дар ҷануби Украина ҳамла мекунад. Боррел мегӯяд, чунин иқдомҳои Русия буҳрони ғизоиро дар ҷаҳон амиқтар мекунад.
