Дар ин чанд рӯзи ахир навору аксҳо ва гузоришҳое дар шабакаҳои иҷтимоӣ нашр мешавад, ки аз таъқибу бозпурсии наздикони фаолони сиёсӣ ва рӯзноманигорон аз ҷониби кормандони амниятии Тоҷикистон хабар медиҳад.
Дар ин росто Ҷаннатуллоҳи Комил, масъули дафтаи ҲНИТ дар Олмон дар саҳифаи фейсбукияш аз боздоштҳои густардаи хешовандонаш хабар додааст. Номбурда мегӯяд дар давоми се рӯзи ахир 13 тан аз аъзоёни хонаводаашро бо шумули мардону занон ва кӯдакони навзод барои бозпурсӣ ба идораҳои КДАМ бурдаанд.
Боз боздошту тухмат! Муддати се руз мешавад, ки пайвандони ман мавриди боздошту бозпурсии кумитаи Амният карор доранд….
Gepostet von Jannatullohi Komil am Sonntag, 5. Juli 2020
Боз боздошту тухмат!
Муддати се рӯз мешавад, ки пайвандони ман мавриди боздошту бозпурсии Кумитаи амният қарор доранд.
Муддати се рӯз мешавад, ки ду писари апаам ва ду писари бародарам бо номҳои
– Тураев Хусайн 22 сол
– Атавуллоев Дилшод 28 сол
– Комилов Мухаммад 28 сол
– Комилов Шариф 29 сол
Аз ҷониби Амнияти милли бидуни ҳеч гуноҳе боздошт шуда ва то ҳол дар боздоштгоҳ мебошанд.
– Ҳамчунин ҳаминрӯз бародарам Комилов Зубайдуллохро аз хона омад ба Идораи амнияти Дангара бурда, онҷо то бегоҳ боздошт ва сипас ӯро ба Себистон оварда дар идораи Ҷамоати Себистон аз ҷониби Амнияти минтакаи Кулоб то ҳол мавриди бозпурсӣ қарор додаистодаанд.
– Илова бар ин, рӯзи гузашта чанд тан аз кормандони Амният ба хонаи бародарам дар шаҳри Душанбе омада,
– Шарипова Хуснигул 53 сола хамсари ӯро ҳамроҳ бо духтараш,
– Комилова Фотима 25 сола бо шумули кӯдаки се солаи духтараш боздошт карда ба боздоштгоҳ бурда то бегоҳ онҳоро боздоштаанд.
– Субҳи имрӯз бошад ду мошини Амниятӣ ба хонаи мо дар Ҷамоати Себистон омада, аз онҷо,
– Комилова Шодигул 52 сола апаам ва
– Комилова Маъсума 23 сола духтари бародарам бо ду кудаки ширхораш ва
– Шайхмуродова Бунафша 25 сола хамсари фарзанди бародарамро бо кӯдаки се солааш боздошт карда, ба Идораи амнияти Данғара бурда то бегоҳ бозпурсӣ карда, сипас ҷавоб додаанд.
