Дар 8 моҳи соли ҷорӣ Тоҷикистон аз кишварҳои дунё ба маблағи беш аз 100 миллион доллар кумаки башардӯстона дарёфт кардааст.
Гуфта мешавад, Тоҷикистон дар ин давра аз 56 кишвари дунё кумаки башардӯстона дарёфт карда, ҳаҷми умии кумак назар ба ҳамин давраи соли гузашта 60 дарсад афзоиш ёфтааст.
Дар моҳҳои январ-августи соли ҷорӣ Тоҷикистон аз ИМА (33% аз ҳаҷми умумӣ), Чин (28,7%) Ҳиндустон (5,9%), Ҷопон (4,7%), Русия (3,2%), Нидерландия (2,3%), Шветсия (2,2%), Дания (1,6%) ва Узбекистон (1,5%) кумаки башардӯстон дарёфт кардааст.
Дар соли 2021 ба Тоҷикистон аз 62 кишвари ҷаҳон ба маблағи умумии 111 миллион доллар кумаки башардӯстона ворид шуда буд.
