Нахуствазири Камбоҷа қасд дорад, ки пас аз наздик ба 40 соли сари қудрат будан, ба ихтиёри худаш аз курсии нахуствизирӣ истеъфо диҳад.
Бино ба иттилои расонаҳо, Хун Сен, Нахуствазири Подшоҳии Камбоҷа тасмим гирифтааст, ки дар моҳи оянда аз симати худ истеъфо дода, аз қудрат канор биравад.
Ба қавли расонаҳо, вай тасмим гирифтааст, ки пас аз канор рафтан аз қудрат раҳбарии ҳизби ҳокимро ба уҳда бигарад ва дар майдони сиёсат боқӣ бимонад.
Нахсутвазири Подшоҳии Камбоҷа, ки соли 1985 ба симат расида буд, ҳоло қасд дорад, ки баъди канор рафтан аз раъси қудрат Хун Манету, писарбузурги худашро дар ин маснад таъйин мекунад.
Гуфта мешавад, 23-уми моҳи ҷорӣ дар Подшоҳии Камбоҷа интихоботи парлумонӣ баргузор шуда буд ва тибқи оморҳои ғайри расмӣ, Ҳизби Халқии Камбоҷа бо гирифтани аксари оро барандани интихобот шудааст. Аммо интизор меравад Кумитаи миллии интихоботи ин кишвар натиҷаҳои расмиро дар муддати аз 9 август то 4 сентябри соли ҷорӣ расман эълон кунад.
Тоҷикистон ва Камбоҷа муносибатҳои дипломатии худро аз 29-уми ноябри соли 1995 о-оз кардаанд. Эмомалӣ Раҳмон низ мисли Нахуствазири Камбоҷа яке аз диктаторҳои дарозумр дар сари қудрат аст, ки беш аз 30 сол инҷониб раҳбарии кишварро бар уҳда дорад.
