Дар шаҳри Душанбе бо раҳбарии президент Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.
30-юми июни соли 2022, маҷлиси Ҳукумати Ҷумҳурии Тоҷикистон дар шаҳри Душанбе баргузор шуд ва Президенти Тоҷикистон супориш дода, ки “иҷрои пурра ва саривақтии қисми даромади буҷет” ва инчунин “кам кардани бақияпулиҳои андоз” тезонида шавад.
Дар кори ин маҷлиси аксари кулли аъзои ҳукумат ширкат доштанд, вале дар аксу наворҳое, ки аз ин нишаст нашр шуд, дида мешавад, ки раиси Кумитаи давлатии амнияти миллии Тоҷикистон Саймумин Ятимов дар он ҳузур надорад.
Гуфта мешавад, пас аз оғози ҳодисаҳои ахир дар Вилояти Мухтори Кӯҳистони Бадахшон, ки бо қатли бераҳмонаи Гулбиддин Зиёбеков, сокини деҳаи Тавдеми ноҳияи Роштқалъа дар 25-11-2021 оғоз шуд ва сипас мавҷи эътирозҳои кӯтоҳмуддатеро дар бархе шаҳру ноҳияҳои ин вилоят ба бор оварда буд, Саймумин Ятимов дар хеле аз нишастҳо ва маҷлисҳои ҳукуматӣ дида намешуд.
