Барномаҳои Рӯзҳои фарҳанги Тоҷикитон дар шаҳри Уфа Русия баргузор мешаванд.
Бино ба иттилои сомонаи Вазорати корҳои хориҷии Тоҷикистон имрӯз, 26-уми октябри соли 2022 “Рӯзҳои фарҳанги Тоҷикистон дар Русия бо баргузории барномаи ҳунарӣ ва дигар чорабиниҳо дар толори давлатии консертии ба номи “Бошқирдистон”-и шаҳри Уфа идома меёбад.”
Пеш аз ин маросими ифтитоҳи Рӯзҳои фарҳанги Тоҷикистон дар Русия ба муносибати 30-юмин солгарди истиқрори муносибатҳои дипломатӣ байни ду кишвар бо иштироки устодни санъати Тоҷикитсон дар Театри давлатии хурди академии шаҳри Маскав оғоз шуда буд.
Инчунин гуфта мешавад, ки “дар толори театр намоишгоҳи мусаввараҳои рассомони боистеъдоди тоҷик ва маҳсули кори ҳунарҳои мардумии Тоҷикистон ба маъраз гузошта шуд.”
Гуфта мешавад, 24-уми октябри соли ҷорӣ Рӯзҳои фарҳанги Ҷумҳурии Тоҷикистон дар Федератсияи Русия дар шаҳри Маскав оғоз гардида, ҳунармадони тоҷикистонӣ барномаҳои худро бо тантана ва сабки хоси миллии тоҷикӣ баргузор мекунанд.
