Бино ба иттилои расмӣ, субҳи 11-ум окятбри соли 2023 ҷаласаи навбатии Шӯрои вазирони корҳои хориҷии Иттиҳоди Давлатҳои Мустақил дар шаҳри Бишкек, пойтахти Қирғизистон ба кори худ оғоз кард.
Ҷаласаи навбатии Шӯрои вазирони корҳои хориҷии Иттиҳоди Давлатҳои Мустақил, ки бо ҳузури вазирони хориҷии кишварҳои узви ин созмон, аз ҷумла Тоҷикистон дар шаҳри Бишкек баргузор шуд, имрӯз ба кори худ анҷом медиҳад.
Дар баргузории ин ҷаласа раҳбарони дастгоҳҳои диплумосии кишварҳои узви ин созмон тибқи рӯзномаи корӣ “20 масъаларо баррасӣ карда, оид ба масоили мубрами байналмилалӣ ва ҳамкорӣ дар сиғаи Иттиҳод мубодилаи афкор намуданд.”
Вазири корҳои хориҷии Тоҷикистон дар ҳошияи ин ҷаласа дидори алоҳидае низ бо ҳамтои қирғизаш баргузор кардааст.
Дар ин дидорҳо вазири корҳои хориҷии кишвар гуфтааст, “ИДМ барои Тоҷикистон яке аз саҳнаҳои калидии ҳамкории бисёрҷониба боқӣ мемонад.”
Гуфта мешавад, Иттиҳоди давлатҳои мустақил баъди барҳам хӯрдани Иттиҳоди Шӯравӣ дар соли 1992 таъсис дода шуд ва дар ҳоли ҳозир кишварҳои Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон, Узбекистон, Украина ва Туркманистон узви он мебошанд.
