Мақомоти олии Тоҷикистон ва Русия барои баррасии ҳамкориҳои мухталифи худ дар шаҳри Душанбе гуфтугӯ карданд.
Бино ба иттилои расмӣ, 27-уми апрели соли 2023, Президенти Тоҷикистон Эмомалӣ Раҳмон бо муовини раиси Ҳукумат, вазири саноат ва тиҷорати Федератсияи Русия Денис Мантуров мулоқот кард.
Дар ин мулоқот, ки дар пойтахти Тоҷикистон сурат гирифт, “масоили мухталифи шарикии стратегии ду кишвар, аз ҷумла ҳамкорӣ дар бахши саноат мавриди баррасӣ қарор дода шуд.”
Ба қавли Хадамоти матбуоти Президенти Тоҷикистон “ҷонибҳо зимни мулоқот маҷмуи васеи масоили муносибатҳои кишварҳоро дар самтҳои ояндадори тиҷоратию иқтисодӣ, бахусус саноат ва татбиқи лоиҳаҳои калони сармоягузорӣ, ҳамкории фаъол тавассути таъсиси паркҳои саноатӣ дар минтақаҳои озоди иқтисодӣ муҳокима карданд.”
Пеш аз ин мулоқот муовини раиси Ҳукумат, вазири саноат ва тиҷорати Федератсияи Русия Денис Мантуров бо вазирони саноати кишварҳои узви Созмони Аҳдномаи Амнияти Дастаҷъӣ мулоқот карда буд.
Гуфта мешавад, 25-уми апрели соли ҷорӣ ин мақомдори рус ба Тоҷикистон сафар карда буд ва тайи ду рӯз нишасти ҷаласаи 21-уми Комиссияи байнидавлатии ҳамкории ҳарбӣ-иқтисодии Созмони Аҳдномаи Амнияти Дастаҷамъиро дар шаҳри Душанбе баргузор шуд, раҳбарӣ мекард. Денис Мантуров бирун аз протоколҳои расмӣ дар охирин лаҳзаҳои сафари худ ба Тоҷикистон ба хоҳиши Эмомалӣ Раҳмон бо вай мулоқот кардааст.
