Мақомоти расмии Тоҷикистону Австрия масъалаҳои ҳамкориҳои иқтисодӣ ва тиҷоратӣ байни ду кишварро мавриди муҳокима қарор доданд.
Вазорати корҳои хориҷии Тоҷикистон мегӯяд, ки мақомоти расмии Душанбе ва Вена масоили ҳамкориҳои иқтисодӣ ва тиҷоратӣ байни ду кишварро дар пойтахти Астрия баррасӣ карданд.
Ба қавли манбаъ, ҷонибҳо “зарурати густариши ҳамкориҳои иқтисодӣ, тиҷоратӣ, ҷалби сармоя ва татбиқи лоиҳаҳои муштарак дар соҳаҳои авлавиятнокро таъкид намуда, ширкатҳои Австрия ҷиҳати ба роҳ мондани ҳамкорӣ бо ҷониби Тоҷикистон дар соҳаҳои нерӯи таҷдидшаванда, иқтисоди сабз, саноат, рақамикунонӣ, фанновариҳои муосир, тиб, сайёҳӣ, бахусус рушди соҳаи сайёҳии зимистона ва куҳнавардӣ, ҳавасмандии хешро баён намуданд.”
Гуфта мешавад, дар кори ин ҷаласаи муштак, ки 3-уми марти соли ҷорӣ баргузор шуд, Шараф Шерализода, муовини вазири корҳои хориҷии Тоҷикистон, Патрик Загмайстер, ноиби Президенти Ассотсиатсияи палатаҳои тиҷоратии Австрия (WKO) ва Франс Вессиг, ҳамраиси Комиссияи ҳамкориҳои иқтисодӣ, роҳбари Гурӯҳи робитаҳои иқтисодии хориҷии Вазорати федералии меҳнат ва иқтисоди Австрия ва дигар шахсони расмӣ ширкат карданд.
