Вазирони корҳои хориҷии Тоҷикистону Русия дар Маскав масоили ҳамкориҳои дуҷонибаро баррасӣ карданд.
Дирӯз, 5-уми сентябри соли 2022 Сироҷиддин Муҳриддин ва Сергей Лавров дар Маскав “Барномаи ҳамкорӣ миёни Вазорати корҳои хориҷии Ҷумҳурии Тоҷикистон ва Вазорати корҳои хориҷии Федератсияи Россия барои солҳои 2022-2023-ро ба имзо расониданд.”
Ба қавли манбаъ, зимни мулоқоти сарони дастгоҳҳои дипломатии Тоҷикистону Русия низ “маҷмӯи масъалаҳои ҳамкориҳои башардӯстона ва муҳоҷират мавриди баррасӣ қарор гирифтанд.”
Вазорати корҳои хориҷии Тоҷикистон ҳамчунин иттилоъ дода, ки ҷониби Русия “омодагии худро барои мусоидати ҳамаҷониба ҷиҳати баргузории Рӯзҳои фарҳанги Тоҷикистон дар Русия дар моҳи октябри соли 2022 қайд кардааст.”
Гуфта мешавад, Вазири корҳои хориҷии Тоҷикистон Сироҷиддин Муҳридддин бо даъвати ҳамтои Русиягиаш Сергей Лавров “ба муносибати 30-умин солгарди истиқрори муносибатҳои дипломатии ду кишвар” дирӯз вориди Маскав гардида буд.
