Беларус ба Тоҷикистон 40 тонна кумаки башардӯстона аз ҷумла, генераторҳои барқӣ, хаймаҳо, хӯрокворӣ ва лавозимоти тиббӣ дод.
Имрӯз, 25-уми октябр ин кумаки башардӯстонаро ҳайати Вазорати ҳолатҳои фавқулоддаи Ҷумҳурии Беларус таҳти сарварии генерал-майори хадамоти дохилии Беларус Александр Худолеев то ба фурӯдоҳи низомии Айнӣ дар Тоҷикистон ҳамроҳӣ мекард.
Ҳайати Беларусро дар фурӯдгоҳи низомии Айнӣ муовини раиси Кумитаи ҳолатҳои фавқулодда ва мудофиаи граждании Тоҷикистон полковник С.Исозода пешвоз гирифт.
Ӯ аз ҷониби Беларус барои дастгирии аҳолии Ҷумҳурии Тоҷикистон изҳори миннатдорӣ намуда, ҳамкориҳои Кумитаи ҳолатҳои фавқулодаи Тоҷикистон ва Вазорати ҳолатҳои фавқулоддаи Ҷумҳурии Беларусро дар самти пешгирӣ ва рафъи оқибатҳои ҳолатҳои фавқулодда баҳои баланд дод.
