Афзоиши омори қурбониён. Беш аз 17 ҳазор кушта дар Туркияву Сурия

Мақомоти расмӣ дар Туркия гуфтаанд, ки то кунун аз 61 кишвари дунё кумак дарёфт кардаанд. Аммо мақомоти Сурия аз камбуди имконот хабар дода мегӯяд, ки новобаста аз вазъи сиёсӣ бояд ба осебдидагони ин кившар низ кумак карда шавад.

Нахустин кумакҳои Созмони Милал ҳам субҳи имрӯз аз тариқи Туркия вориди Сурия шуд. Ин кумакҳо бештар маводи гармидҳӣ, аз ҷумла хайма, курпаву курпача ва ғайра иборат мебошанд.

Ҳамзамон Иттиҳоди Аврупо ҳам аз кишварҳои узви ин иттиҳодия ва дигарон хостааст, ки новобаста аз ҷойгиршавии сокинони зарардида дар Сурия бояд ба онҳо кумакҳои инсонӣ расонида шавад.

Гурӯҳҳои наҷот корҳои кумакрасонӣ ба мардумони зарардида ва зери оворҳо боқӣ монданро идома медиҳанд. Субҳи имрӯз як гурӯҳи наҷот иборат аз 50 нафар аз Тоҷикистон ҳам вориди Турия шуд.

Гуфта мешавад, мақомоти Туркия қавл додаанд, ки тамоми сокинони зарардида ба ҷои амн таъмин карда мешаванд ва дар муддати камтар як аз сол тамоми хонаҳои сокинони зарардида сохта ба истифода дода хоҳанд шуд. Парлумони Турия низ имрӯз барои эълони ҳолати фавқулъода дар 10 вилояти зарардида ба муддути се моҳ раъйгирӣ мекунад.