Тоҷикистон дар се моҳи аввали соли ҷорӣ аз 44 кишвари дунё беш аз 51 миллион доллар кумакҳои башардӯстона дарёфт кардааст.
Бино ба иттилои Хадамоти гумруки Тоҷикистон, дар се моҳи аввали соли ҷорӣ аз кишварҳои кумакрасон ба маблағи беш аз 51 миллиону 843,9 ҳазор доллар кумаки башардӯстона ворид шуда, дар маҷмуъ 5 ҳазор тоннаро ташкил додааст.
Кумакҳо аз орд, равғани растанӣ, доруворӣ, маҳсулоти хӯрокворӣ ва ғайра иборат буда, аз ҳама бештар ИМА – 39,7%, Чин – 36,9% ва Ҷопон – 7,9% ба Тоҷикистон кумаки башардӯстона фиристодаанд.
