Як зани 65-солаи ҷопонӣ барои баргарданоидани маъшуқаш аз фазо ба ӯ 30 ҳазор доллари амрикоӣ фиристод, вале баъдан маълум шуд, ки фиреб хӯрдааст.
Ба гузориши расонаҳои ҷопонӣ, ин зани 65-сола бо маъшуқаш дар шабакаи иҷтимоии Instagram аз моҳи июн шинос шуда, мард худро рус муаррифӣ кардааст. Ӯ иддао карда, ки фазонавард аст ва ҳоло дар истгоҳи фазоии баналмилалии (ISS) қарор дорад.
Онҳо бо ҳам чанд моҳе гуфтугӯҳои ошиқона доштаанд, билохира мард аз зан талаб карда, ки барои баргаштан ба замин пули билет надорад ва ба ӯ 30 ҳазор доллар маблағ лозим аст, то битавонад ба замин баргардад ва бо ӯ издивоҷ кунад.
Зан ба ӯ маблағи талаб намудаашро мефристад, вале мард боз маблағ талаб мекунад. Зан аз дархостҳои зиёди мард шубҳа карда, пай мебарад, ки дар доми қаллобе афтодаат ва ба пулис муроҷиат мекунад. Ҳоло пулиси Ҷопон ин марди номаълумро ҷустуҷӯ дорад.
Ин дар ҳолест, ки тибқи ривоҷи маъмул фазонаврдон дар даст телефони ҳамроҳ намегиранд ва вақти дар шабакаҳои иҷтимоӣ нишастан ҳам надоранд. Ва инчунин истгоҳҳои баналмилалии фазоӣ ба монанди фурӯдгоҳҳои ҳавопаймоӣ нест, ки шахс барои як тараф билет бихарад.
Гуфта мешавад, ширкатҳои фазонавардӣ барои расондани як нафар ба истгоҳи байналмилалӣ беш аз 50 миллион доллари амрикоӣ масраф мекунанд, ки рафту баргашти фазонавардро дар бар мегирад.
