Бонки миллии Тоҷикистон қурби пули миллӣ-сомониро дар баробари арзҳои хориҷӣ, аз ҷумла рубли русӣ, доллари амрикоӣ ва евро боло бурдааст.
Имрӯз, 1-июли соли 2022, Бонки миллии Тоҷикистон, ки таъйинкунандаи қурби пули миллӣ-сомонӣ аст, қурби асъори хориҷӣ, аз он ҷумла доллари амрикоӣ, евро ва рубли русиро дар кишвар пойин бурд.
Дар ҳоли ҳозир Бонки миллии Тоҷикистон арзиши 1 рубли русиро баробар ба 0,1773 сомонӣ, қурби 1 доллари амрикоиро баробар юа 10,5663 сомонӣ ва нархи 1 евроро баробар ба 11,0238 сомонӣ таъйин кардааст.
Пеш аз ин арзиши 1 доллар баробар бо 10 сомониву 58 дирам, 1 евро баробар ба 11,17 сомонӣ ва қурби 1000 рубли русӣ баробар бо 177,5 сомонӣ таъйин шуда буданд.
Гуфта мешавад, тайи чор моҳи ахир ва дақиқан пас аз оғози ҳамлаҳои Русия ба Украина арзиши пули миллӣ-сомонӣ низ дар кишварамон шоҳиди марҳилаҳои зудтағйирёбанда буд, зеро иқтисоди Тоҷикистон ба пули муҳоҷирони Тоҷикистон дар Русия сахт вобастагӣ дорад.
