Ширкати ҳавопаймоии тоҷикӣ “Сомон Эйр” аз оғози парвозҳо дар масири нави Душанбе-Мюнхен хабар дод. Дар ин бора маркази матбуоти ширкат иттилоъ медиҳад.
“Парвозҳо дар масири Душанбе-Мюнхен-Душанбе аз 6 июни соли 2022 оғоз шуда, ҳафтае як маротиба рӯзҳои душанбе сурат мегиранд. Парвоз аз Душанбе соати 06:00 ва аз Мюнхен соати 11:30 ба вақти маҳаллӣ анҷом дода мешаванд”, омадааст дар хабари ин ширкат.
Ҳамчунин гуфта мешавад, ки парвозҳо бо ҳавопаймоҳои Boeing 737-900 анҷом дода мешаванд.
Ёдовар мешавем, ки қабл аз оғози пандемияи коронавирус ширкатҳои ҳавопаймоии Тоҷикистон дар хатсайри Душанбе-Франкфурт парвоз мекарданд.
