Бино бар хабарҳои расида нимаи аввали имрӯз 09-уми июли соли ҷорӣ дар баъзе манотиқи вилояти Хатлон ва шаҳри Душанбе заминларза ба амал омадааст.
Хабаргузории Ховар бо такя ба иттилои маркази зилзиласанҷии Академияи миллии илмҳои Тоҷикистон ин хабарро нашр намуда маркази зилзиларо 11 километр дуртар аз ноҳияи Спитамен ва қувваи онро 4 дар марказ ва 2 бал дар шаҳри Душанбе арзёбӣ кардааст.
Гузориши Ховар:
Имрӯз, соати 11:39 ба вақти маҳаллӣ дар ҳудуди Тоҷикистон заминларза ба қайд гирифта шуд.
Маркази заминларза 165 километр дуртар аз самти шимолу шарқии Душанбе ва 11 километр дуртар аз самти ҷанубии ноҳияи Спитамен ҷойгир мебошад.
Ба иттилои маркази зилзиласанҷии Академияи миллии илмҳои Тоҷикистон, қувваи заминларза дар марказ 4 ва дар шаҳри Душанбе 2 балро ташкил дод.
