Ҳайати Афғонистон барои омӯхтани таҷрибаҳои Тоҷикистон дар самти ноил шудан ба сулҳу ризоият, таъмини амнияти шаҳрвандон ва ободонии пойтахт ба Душанбе хоҳад омад.
Бар асоси иттилои “Азия Плюс” ҳайати афғон бо дастури шахсии раиси ҷумҳурии Афғонистон Муҳаммад Ашраф Ғанӣ ба Душанбе сафар мекунад. Ин матлабро сафири Афғонистон дар Тоҷикистон Муҳаммад Зоҳир Акбар дар мулоқот бо вазири маориф ва илми Тоҷикистон Муҳаммадюсуф Имомзода иброз дошт.
Ба гуфтаи дипломати афғон, раиси ҷумҳур чунин як амрро пас аз як сафари расмӣ дар охири моҳи март ба Душанбе дода аст ва дар онҷо дар кори конфронси навбатии вазирон “Қалби Осиё-Раванди Истанбул” низ ширкат варзида аст.
Тавре аз вазорати маориф ва илми Тоҷикистон хабар доданд, Имомзода ва дипломати афғон масъалаҳои густариши ҳамкории ду кишварро дар соҳаҳои маориф, илм, омодасозии кадрҳо баррасӣ намуданд.
