Полиси Русия як зодаи 28-солаи Тоҷикистонро бо иттиҳоми ғорат кардани 100 миллион рубли русӣ боздошт карда аст.
Хабаргузории давлатии Русия “ТACC” хабар додааст, ки кормандони полис як шаҳрванди Тоҷикистонро бо номи Умедҷон Ҷабборов бо иттиҳом даст доштан дар ғорат кардани 100 миллион рубли русӣ дар вилояти Маскав боздошт кардаанд.
Ба иттилои манбаъ, Умедҷони Ҷабборов дар вақти ғорат кардани хонум Марина Коташенко танҳо набуда, балки ҳамроҳи вай ду шарикҷурми дигараш ҳам ҳузур доштанд.
Ба гуфтаи полис, ин зодаи Тоҷикистон пас аз дастгир шудан ва бозпурсӣ кардан ба гуноҳаш эътироф карда, сипас ба боздоштгоҳи муваққатӣ интиқол дода шудааст.
Пештар аз ин Умедҷон Ҷабборов дар соли 2017 ҳангоме, ки як дар мағоза кор мекард, бо иттиҳоми тақдими ришва ба як мақоми корҳои дохилӣ боздошт ва ба як соли зиндон маҳкум шуда буд.
16-уми январ Марина Коташенко ба посли муроҷиат карда, гуфтааст, ки шабона пас аз як садамаи нақлиётӣ се нафар ӯро бо зӯри силоҳ ба хонааш бурда, 100 миллион рублашро гирифта, бо худ бурданд. Полис аз рӯи ҳодиса бо иттиҳоми ғоратгарӣ парванда боз карда, тафтишот идома дорад.
Полиси Маскав дар ҳоле ин шаҳрванди Тоҷикистонро бо иттиҳоми ғорат кардани 100 миллион рубли русӣ муттаҳам мекунад, ки дар хабарҳои расмӣ назари гумонбаршуда, наздикону пайвандон ва ё адвокати ӯ вуҷуд надорад.
