Дар шаҳри Харкови Украина як шаҳрванди Тоҷикистон бо иттиҳоми “терроризм” аз ҷониби маъмурони пулиси ин кившар боздошт шуд. Дар ин бора Раёсати кофтукови ҷиноии пулиси миллии Украина дар шабакаи телеграмии худ хабар дод.
Пулиси Украина видеои лаҳзаи боздошти ин ҷовни тоҷикро нашр кардааст. Дар навор дида мешавад, ки маъмурони пулс ҳангоми боздошт ба ин шаҳрванди тоҷик мегӯянд, ки ту аз ҷониби мақомоти Тоҷикистон дар пайгарди байналмиллалӣ қарор дорӣ.
#Ukraine: #Ukrainian police officers detained in Kharkiv an internationally wanted #terrorist from #tajikistan https://t.co/k0TaCFl775 pic.twitter.com/dOEk6xGVVc
— Shadi Alkasim (@Shadi_Alkasim) November 13, 2021
Пулиси Украина мегӯяд, ин ҷавони 29-солаи тоҷик аз ҷониби мақомоти Тоҷикистон дар байгарди байналмиллалӣ қарор дошт ва ӯро рӯзи 11 ноябр боздошт кардааст.
Ба гуфтаи кормандони Раёсати кофтукови ҷиноии пулиси миллии Украина, ин ҷавони тоҷик ҷангҷӯёнро барои ширкат дар амалиёти ҷангии гурӯҳҳои террористии мамнӯъ ба Сурия ва Ироқ мефиристодааст.
Дар хабар омада, ки “шаҳрванди тоҷики боздоштшуда ҳанӯз соли 2013 якбора ба ду созмони террористӣ пайвастааст. Пас аз он ӯ як гурӯҳеро ташкил кард, ки террористҳоро ба Сурия ва Ироқ ҷалб ва интиқол медод”.
Аммо пулси шарҳ надодааст, ки ӯ ба он ду гурӯҳе, ки мегӯянд якбора шомил шудааст, кадом гурӯҳҳои террористиянд.
Гуфтанист, ному насаб ва аз кадом минтақаи Тоҷикистон будани ин шаҳрванди боздоштшудаи тоҷик то ҳол маълум нест. Инчунин назари худи ӯ ва ё вакили дифоаш дар хусуси иттиҳомоти эълоншуда бар зиддиш дастрас нест.
Ба маълумоти пулиси Украина, ҳоло масъалаи истирдоди ӯ ба Тоҷикистон дар ҳоли баррасӣ аст ва дар сурати истирдод ӯро то 12 соли зиндон таҳдид хоҳад кард.
