Хадамоти марзбонии Украина рӯзи якшанбе 16 январ як зани тоҷикро, ки дар пайгарди байналмилалӣ (Интерпол) қарор дошт, дар Фурӯдгоҳи Одесса боздошт кардааст. Дар ин бора Хадамоти марзбонии Украина хабар дод.
Гуфта мешавад, ин зани тоҷик бо ҷурми “терроризм” дар ҷустуҷӯи байналмилалӣ қарор дошт. Дар ин бора рӯзи якшанбеи 16 январ Хадамоти давлатии марзбонии Украина дар саҳифаи расмии худ дар Фейсбук хабар дод. Аммо аз ҷониби кадом кишвар дар ҷустуҷӯ буд, Хадамоти давлатии марзбонӣ хабар надодааст.
Масъулини Интерпол дар Украина гуфтаанд, ки раванди истирдоди ин зани тоҷик ба зудӣ ҳал хоҳад шуд. Мақомоти Украина номи ин занро нашр накардааст ва маълум нест иттиҳоми ӯ дақиқан чист.
