Як зодаи Тоҷикистон, ки барои таблиғоти терроризм боздошт шуда буд, ба гуноҳи худ эътироф карда аст.
Маркази хадамоти матбуотии департаменти ФСБ дар Хакасия иттилоъ дод, ки ин зодаи Тоҷикистон ба гумони таблиғ ба фаолияти террористӣ боздошт шуда аст.
Тибқи иттилои тафтишот, боздоштшуда ба таблиғи дигар муҳоҷирони хориҷӣ машғул буда ва ташкилоти байналмилалии террористии “Катибаи Тавҳид вал Ҷиход” (дар қаламрави Русия мамнуъшуда)-ро ба роҳ монда аст. Ҳамчунин гуфта мешавад, ки ин фард дар яке аз шабакаҳои иҷтимоӣ гурӯҳеро таъсис дода ва тавониста аст, ки 5 ҳазор муштарӣ пайдо кунад.
Ин шахс дар давоми тафтишот дар иртибот бо аломатҳои ҷиноят мутобиқи қисми 2-и моддаи 205-и Кодекси ҷиноятии Федератсияи Русия (Даъватҳои оммавӣ ба фаолиятҳои террористӣ, сафедкунии оммавии терроризм ва таблиҳи терроризм) ду моҳ ҳабс карда шуд.
ФСБ инчунин хабар медиҳад, ки боздоштшуда эътироф кардааст, ки ҳангоми кофтукоби хонаи ӯ матнҳои таблиғотии фаолиятҳои террористӣ, алоқаи электронӣ ва васоили электронӣ ёфт шуда аст.
