Баъд аз тазоҳурот ва бо тухм задани мошини ҳомили раисҷумҳури худкомаи Тоҷикистон Эмомалӣ Раҳмон дар Олмон, мақомоти амниятӣ пайвандони аъзои “Гурӯҳи 24”-ро дар Тоҷикистон боздошт кардаанд.
Бино ба иттилои Ҳаракати сиёсии “Гурӯҳи 24”, мақомоти амниятӣ хонаводаи чанд тан аз аъзои ин ҳаракатро бо худ бурдаанд, ки яке аз онҳо падари Беҳрӯз Тағойзода буда, айни ҳол дар идораи амнияти шаҳри Душанбе қарор доштааст.
“Ин ҳукумат ва мақомоти қудратии Раҳмонов танҳо кораш бо пирамардону пиразанҳо ва ҷинсҳои заиф аст! Имрӯз сараш ба замин расида буд, ин аст, ки қасди худро мехоҳад аз падару модарони мухолифон бароварад!”- гуфта мешавад дар хабари Ҳаракати сиёсии “Гурӯҳи 24”.
Беҳрӯз Тағойзода, узви фаъоли Ҳаракати сиёсии “Гурӯҳи 24” дар суҳбат бо Azda.tv хабари боздошти падарашро тасдиқ кард.
Бо пайдо шудани маълумоти нав хабар такмил мешавад.
