Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.
Дар ин ҳамла ду ҷавони 15-сола захмӣ шудаанд. Ба иттилои пулиси Варшава, як ҷавон аз ноҳияи қафаси сина бо ду корд осеб дида ва нафари дуюмӣ оринҷи дасташ маҷруҳ шудааст.
Пулис ба расонаҳо гуфта, ки ин ҳодиса рӯзи душанбе дар кӯчаи Глобенский шаҳри Варшава рух дода, ҷабрдидагон шаҳрвандони Украина будаанд. То ҳол ангезаи ин ҳамла маълум нест.
Дар пайи ин ҳодиса пулис як шаҳрванди 26-солаи Узбекистонро ҳамчун гумонбари асосӣ ва 5 каси дигарро ҳамчун гумонбар боздошт кардааст. Аз боздоштшудагон ном бурда нашудааст.
