Ба як зодаи Тоҷикистон дар Варшава барои таҳқири арзишҳои динӣ панҷ соли зиндон таҳдид мекунад.
Пулиси ноҳияи Мокотови шаҳри Варшаваи Лаҳистон аз боздошти шаҳрванди 38-солаи Тоҷикистон хабар дод. Ин зодаи Тоҷикистон ба таҳқири арзишҳои динӣ ва расонидани зарар ба молу мулк дар ҳаҷми 2000 злоти ($477) гумонбар аст.
Бино ба иттилои манбаъ, моҳи апрели соли ҷорӣ ин шаҳрвандаи Тоҷикистон муҷассамаи хурди “Марям”-ро, ки дар наздикии калисое дар Варшава ҷойгир будааст, аз пояаш канда, қисми сарашро аз танаш ҷудо кардааст.
Ин зодаи Тоҷикистон вақти бозпурсӣ гуноҳро эътироф карда гуфтааст, ки танҳо муҷассамаро задааст, аммо интизор надошт, ки он мешиканад.
Додситонии ноҳияи Мокотови Варшава нисбати ин шаҳрванди Тоҷикистон парвандаи ҷиноятӣ боз карда, дар ин замина тафтишот идома дорад. Гуфта мешавад, ба ин зодаи Тоҷикистон то панҷ соли зиндон таҳдид мекунад.
Ҳувияти ин марди 38-солаи шаҳрванди Тоҷикистон дастраси расонаҳо нест.
