Дар шаҳри Душанбе ҷаласаи васеи Ҳукумати Тоҷикистон таҳти раёсати Раисиҷумҳур Эмомалӣ Раҳмон ҷараён дорад.
Дар ҷаласа аъзои ҳукумат, роҳбарияти кишвар, намояндагони Дастгоҳи иҷроияи Президент, роҳбарони вилоятҳо ва шаҳру ноҳияҳо ва дигар шахсони масъул иштирок доранд.
Бино ба иттилои сомонаи расмии Президент, дар маҷлиси васеи Ҳукумати Ҷумҳурии Тоҷикистон нишондиҳандаҳои рушди иқтисодию иҷтимоии кишвар дар соли 2021 натиҷагирӣ ва вазифаҳои асосӣ барои соли 2022 муайян карда мешаванд.
Дар мавриди баррасӣ шудани масъалаи тағйироти кадрӣ чизе гуфта нашудааст.
Аммо тибқи одат ҳамасола дар ҷаласаҳои ҷамъбастии Ҳукумати Тоҷикистон ё баъди он аксари тайироти кадрӣ сурат мегирад ва ба ҳамин хотир ин ҷаласаҳо дар байни мардум ва дар матбуот бо номи “дилзанак” маъруф шудаанд.
