13.9 C
Dushanbe

Ҷаримаи духтур барои хунукназарӣ

Суди ҳарбии гарнизони Душанбе шаҳрванд Рустам Умбатов, духтур-мутахассиси бемориҳои асабро барои хунукназарияш ҷарима кард.

Бино ба иттилои сомонаи суди ҳарбии гарнизони Душанбе, Рустам Умбатов ба моддаи 322 Кодекси ҷиноятии Тоҷикистон, яъне хунукназарӣ айбдор мешавад.  

Умбатов 3-юми апрели соли 2020 дар ноҳияи Шоҳмансури шаҳри Душанбе ба ҳайси табиб кор карда, сокини ҷавони пойтахт Парвиз Ҷалиловро, ки гирифтори бемории сутунмӯҳра будааст солим ва ба хизмати ҳарбӣ муносиб донистааст.

Гуфта мешавад, Ҷалиловро баъд аз ташхис, барои адои хидмати ҳарбӣ ба қисми ҳарбии 02615 Вазорати мудофиаи Ҷумҳурии Тоҷикистон фиристодаанд. Дар рафти адои  хидмат бемории номбурда авҷ гирифта, ӯ барои муолиҷа ва табобат ба Госпитали марказии ҳарбии ВМ Ҷумҳурии Тоҷикистон фиристонида шудааст.

Ҳамин тариқ бо қарори суд Умбатов барои расонидани зарари ҷиддии маънавӣ ба Парвиз Ҷалилов, ҷарима карда шуд, ҳаҷми ҷарима дар хабар гуфта нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вакилони рус мехоҳанд муҳоҷирони бештареро ихроҷ кунанд

Рӯйхати моддаҳои Кодекси ҳуқуқвайронкунии маъмурӣ, ки ихроҷи шаҳрвандони хориҷӣ ё муҳоҷиронро пешбинӣ мекунад, метавонад қариб ду баробар зиёд шавад.

Шаҳрванди Тоҷикистон дар Лондон муттаҳам ба озори ҷинсӣ шуд

Додгоҳе дар шаҳри Лондони Британия як шаҳрванди Тоҷикистонро барои озори ҷинсии духтари 13-сола гунаҳкор донист.

Тоҷикистон дар як ҳафта 19 тонна гӯшти мурғ аз Русия ворид кардааст

Тоҷикистон дар давоми 5 рӯз 19 тонна гӯшти мурғ аз Русия вориди бозори худ кардааст.

Вазири Толибон донишҷӯи узбекро барои кӯлоҳи суннатияш зад

Як донишҷӯи узбектабори Афғонистон иддао карда, ки ӯро вазири таҳсилоти олии ҳукумати Толибон ба хотири доштани тоқӣ ба рӯяш шаппотӣ задааст.