Ба гузориши Хадамоти истихборотии Украина, мақомоти Чеченистон зиндониён, ба хусус маҳкумшудагони мухолифи ҳукуматашро ба минтқаи ҷанг дар Украина мефиристад.
Тавре расонаи РБК аз қавли Хадамоти истихбороти Вазорати дифои Украина хабар медиҳад, дар Чеченистон маълумоти маҳбусони мухолифи ҳукуматро, ки дар зиндонҳои маҳаллӣ адои ҷазо мекунанд ҷамъоварӣ доранд ва ба хотири “ислоҳи онҳо” ва идомаи адои ҷазо ба минтақаи ҷанг мебаранд.
“Дар мукотибаи маъмурони Хадамоти амнияти федеролӣ дар Чеченистон (ФСБ) талаби пешниҳоди маълумоти шахсии маҳкумшудагон, аз ҷумла ному насаб, суроғаи хона, рақами телефон, почтаи электронӣ вуҷуд дорад.” – хабар медиҳад Хадамоти истихборотии Украина.
Рамазон Қодиров, раҳбари Чеченистонро яке аз нафарони наздик ба Путин медонанд. Ва аз шуруи лашкаркашии Русия ба хоки Украина 24-уми феврал то кунун талош дорад дар майдони ҷанг бар зидди Украина фаъол бошад.
