Тоҷикистон аз кишвари Чин 150 ҳазор воя ваксинаи чинии “Коронавак” дарёфт мекунад. Бино ба иттилои Вазорати тандурустии Тоҷикистон ин ваксинаҳо барои Тоҷикистон ройгон буда, аллакай барои ирсоли ин миқдор ваксина тавофуқ байни мақомоти ду кишвар сурат гирифтааст.
“Ин теъдод ваксина замоне интиқол хоҳад ёфт, ки ҷониби Чин теъдоди мавриди назарро омода мекунад ва ҳам ҳукумати Тоҷикистон нақлиёти ҳавоиро фароҳам хоҳад сохт”,-гуфтааст Навруз Ҷаъфаров.
Чанде пеш раисҷумҳури Чин Си Ҷин Пин дар як суҳбати телефонӣ бо Эмомалӣ Раҳмон гуфта буд, ки ба Тоҷикистон ваксинаи ройгон медиҳад.
То кунун Тоҷикистон дар чорчубаи барномаи Созмони ҷаҳонии беҳдошт “COVAX” 192 ҳазор воя аз ваксинаи “Астразенека”-ро дарёфт кардааст. Тибқи маълумоти Вазорати тандурустии кишвар то кунун беш аз 35 ҳазор аҳолии кишвар аз ин ваксина зада шудаанд.
