Вазорати тандурустӣ ва ҳифзи иҷтимоии аҳолии Тоҷикистон 18-уми июл хабар дод, ки давоми шабонарӯзи охир дар Тоҷикистон 47 ҳолати нави гирифторшавӣ ба бемории COVID-19 ба қайд гирифта шуда, 32 нафар шифо ёфтааст. Дар ин васат як ҳолати вафот низ сабт шудааст.
Тибқи омори нашр шуда, дар маҷмӯъ, дар ҷумҳурӣ 14125 нафар гирифторони COVID-19 ба қайд гирифта шуда, аз ин шумора то дирӯз 13717 нафар (97,1%) шифо ёфтаанд. Ҳамзамон, бар асари ин беморӣ 111 нафар фавтидааст.
Дар омори як рӯзи пеши Вазорати тандурустии кишвар, яъне 17-уми июл ягон ҳолати вафот аз ин беморӣ ба қайд гирифта нашудааст, аммо дар ҳамин ҳол сомонаи “Равзан” аз вафоти ду нафар, яке писари шоири шинохтаи тоҷик, Гулназар Келдӣ ва дигарӣ духтари забоншиноси маъруф, профессор Баҳриддин Камолиддинов хабар дод, ки наздиконашон дар шабакаи иҷтимоӣ худи ҳамон рӯз нашр карданд.
Бо ин вуҷуд, мадум дар Тоҷикистон ба омори расмии ҳукумат камтар бовар доранд, зеро теъдоди гирифторон ва фавтидагонро фаъолони шабакаҳои иҷтимоӣ ба маротиб зиёдтар аз омори расмӣ арзёбӣ мекунанд.
