Бино ба иттилои “Спутник” муовини сарвазири Русия, Марат Ҳасан Алин гуфтааст, ки ба сабаби хуруҷи вируси корона ва баста гардидани марзҳо сафари муҳоҷирони корӣ ба ин кишвар кам гашт ва бахши сохтмони ин кишвар ба як мушкилии ҷиддӣ рӯ ба рӯ гардидааст.
Ба гуфтаи муовини сарвазир, ҳукумат ҳоло дар фикри ҳалли буҳрон аст ва нақша дорад, ки муҳоҷирони бахши сохтмонро иҷозаи вуруд диҳад.
Чанде пеш низ шаҳрдори Маскав аз камбудии муҳоҷирон ва холӣ будани ҷойҳои корӣ гуфта буд.
Тибқи маълумоти тасдиқ нагардида зиёда 2 миллион муҳоҷири кории тоҷик дар Русия кору зиндагӣ мекунанд, ки аз се ду ҳиссаи онҳо дар бахши сохтмон кор мекунанд. Ва имсол бо ин вазъияти ба амаломада қисме аз муҳоҷироне, ки дар сохтмонҳои Русия кор мекарданд, ба ватанҳои худ баргаштанд, вале бо баста будани марзҳои дигар ба ҷои кории худ ҳозир шуда натавонистанд.
Ин омил боис гардида, ки Русия ба нерӯи корӣ дар сохтмонҳо ниёз пайдо кардааст.
