Мақомоти ноҳияи Данғара тасдиқ карданд, ки корҳо барои ба вилоят табдил додани ноҳияи Данғара – зодгоҳи Эмомалӣ Раҳмон ҷараён дорад.
Бино ба иттилои “Sputnik-Тоҷикистон”, Ҷамшед Шарифзода, муовини раиси ноҳияи Данғара 28-уми июл дар нишасти матбуотӣ гуфт, ки бо қарори ҳукумат барои ба вилоят табдил ёфтани ноҳия корҳои ободонӣ ва сохтмони биноҳои баландошёна ҷараён дорад.
Ба навиштаи Азия Плюс, Ҷамшед Шарифзода дар ин нишаст гуфт: «Масалан, дар ин ҷо беморхонаи вилоятии сироятии Данғара ба истифода дода шудааст. Бинои Раёсати корҳои дохилии ноҳияи Данғара мавриди баҳрабардорӣ қарор гирифт. Ҳоло сохтмони бинои Раёсатҳои ҳифзи муҳити зист, заминсозӣ ва геодезия, маркази саниатрӣ-эпидемиологии вилоят идома дорад, – мегӯяд ӯ. – Ин маънои онро дорад, ки Данғара вилоят хоҳад шуд, аммо мо ҳоло вақти дақиқи ин тағйиротро намедонем”.
Ӯ дар идома изҳор дошт, ки “Ин ҳама ба он маъност, ки Данғара вилоят мешавад, аммо дар бораи замони дақиқи он чизе гуфта наметавонем”.
Пеш аз Суҳроб Шарифов, собиқ муовини Маркази тадқиқоти назди президент пешниҳод карда буд, ки пойтахт ба Панҷакент, Кӯлоб ва ё Данғара,
