Кормандони гумруки фурудгоҳи Домодевои шаҳри Маскав аз як шаҳрванди Тоҷикистон, ки мехостааст ба Стамбул парвоp кунад, 3 миллион рубли русӣ пайдо кардаанд.
Ба иттилои дафтари матбуоти ин фурудгоҳ, пулҳоеро, ки шаҳрванди Тоҷикистон аз Маскав ба Стамбул мебурдааст ба расмият дароварда нашуда будаанд.
“Мусофири хатсайри Маскав – Истанбул дар фурудгоҳи Домодедово тариқи долони “сабз” гузашта, ҳангоми пурсиши шифоҳӣ изҳор намуд, ки бо худ ҳудуди 2 млн рубл пули нақд дорад. Аммо дар санҷиши гумрукӣ шаҳрванди Тоҷикистон 2,9 млн рубл ва 3 ҳазору 500 доллар пешниҳод кард”, – хабар медиҳад дафтари матбуоти гумруки Домодедово.
Аз рӯи ин далел тибқи Кодекси мурофиавии ҷиноятии Федератсияи Русия чораҳои тафтишотӣ андешида мешаванд.
Гуфта мешавад, ки мутобиқи қонунгузории гумруки Иттиҳоди иқтисодии Авруосиё (ЕАЭС) маблағи пулии бештар аз 10 ҳазор доллари ИМА бояд ҳатман тариқи хаттӣ бо эъломия ба расмият дароварда шавад.
Ҳангоми бо эъломия ба расмият даровардани пули нақд ба маблағи зиёда аз 100 000 доллар ба мақомоти гумрук пешниҳод кардани ҳуҷҷатҳои тасдиқкунандаи пайдоиши маблағ зарур аст.
