Донишманд ва нависандаи шинохтаи тоҷик Зафар Мирзоён шаби 7-уми июни соли ҷорӣ дар синни 74-солагӣ аз дунё даргузашт.
Дар ин бора субҳи имрӯз аксари дӯстон ва наздикони ин олими шинохта дар шабакаҳои иҷтимоӣ хабар доданд.
Марҳум яке аз донишмандоне буд, ки аксар нигоштаҳо, нуқтаназарҳо ва мавқеъгириҳояш тариқи расонаҳо ба вокунишҳо рӯбарӯ мешуд ва пайваста талош мекард, ки ҳамчун як марди миллат аз ҷойгоҳи миллат ҳимоят кунад.
Зафар Мирзоиён ба ҳайси “мушовири ректор оид ба иртибот бо ҷомеаи Донишгоҳи давлатии Кӯлоб ба номи Абуабдуллоҳи Рӯдакӣ” кор мекард.
Вай 5-уми майи соли 1949 дар шаҳраки Ховалинги ноҳияи Ховалинги вилояти Хатлон ба дунё омада буд. Ҷинозаи марҳум имрӯз дар зодгоҳаш ноҳияи Ховалинг ба хок супорида мешавад.
