19-уми июл Сафарбек Солеҳов, кинорежиcсёри шинохтаи кишвар бар асари бемории коронавирус дар синни 62-солагӣ даргузашт.
Сафарбек Солеҳов чанд рӯзи ахир дар бемористоне дар шаҳри Душанбе зери дастгоҳи нафасдиҳии сунъӣ қарор дошт.
Вай соли 1980 факултаи Филологияи Донишгоҳи давлатии Тоҷикистон (Донишгоҳи миллии Тоҷикистон)-ро бо баҳои аъло хатм кардааст. Соли 1993 давраи тахассусии сенариянависӣ ва режессериро дар Маскав ба итмом расонид.
Сафарбек Солеҳов беш аз 20 филми ҳуҷҷатиро дар корномаи худ сабт карда, ки дар ҷашнвораҳои машҳури дунё ба мисли Теҳрон, Алма-Ато, Рим, Берлин, Нанте, Париж, Маскав, Санкт Петербург, Истамбул, Деҳлӣ ва ғайра Тоҷикистонро муаррифӣ кардааст.
Ҷанозаи марҳум асри имрӯз дар манзили падариашон дар деҳаи Тезгари пойони шаҳри Ваҳдат баргузор мешавад.
