Муовини вазири корҳои хориҷии Тоҷикистон бо Мудири кулли Агентии байналмилалии нерӯи атомӣ (АБНА) мулоқот кард.
Имрӯз, 4-уми июли соли 2022, сомонаи Вазорати корҳои хориҷии Тоҷикистон хабар дод, ки “1-уми июли 2022 дар Вена дар ҳошияи машваратҳои сиёсӣ миёни Ҷумҳурии Тоҷикистон ва Ҷумҳурии Австрия вохӯрии Муовини вазири корҳои хориҷии Ҷумҳурии Тоҷикистон Фарҳод Салим бо Мудири кулли Агентии байналмилалии нерӯи атомӣ (АБНА) Рафаэл Гроссӣ сурат гирифт.”
Ба гуфтаи манбаъ, “зимни мулоқот масъалаҳои мубрами ҳамкориҳо байни Ҷумҳурии Тоҷикистон ва АБНА матраҳ гардида, таваҷҷуҳи асосӣ ба раванди татбиқи лоиҳаҳои АБНА дар Ҷумҳурии Тоҷикистон, омӯзиши коршиносони тоҷик, ширакти Тоҷикистон дар лоиҳаҳои минтақавии АБНА ва густариши ҳамкориҳои фаннӣ зоҳир карда шуд.”
Гуфта мешавад, аз 17-уми январи соли 1995 “Шартнома дар бораи паҳн накардани силоҳи ҳастаӣ дар Ҷумҳурии Тоҷикистон” эътибор пайдо кардааст ва тибқи моддаи III Шартномаи мазкур аз ҳар як давлат-аъзои дорои силоҳиҳастаинабуда талаб карда мешавад, ки бо АБНА созишномаи кафолати ҳамаҷонибабаимзорасонад, то АБНА иҷрои ӯҳдадориҳои худро тибқи Шартномаи мазкур ба ҷо орад.”
