Вазири корҳои хориҷии Тоҷикистон Сироҷиддин Муҳриддин бо ҳамтои қирғизияш Руслан Казакбоев рӯзи 19 ноябри соли равон дар шаҳри Душанбе мулоқот анҷом додааст.
Бино ба иттилои сомонаи Вазорати корҳри хориҷӣ ҷонибҳо доир ба ҳамкориҳои тиҷоратию иқтисодӣ, фарҳангию гуманитарӣ, масъалаҳои ҳамлу нақл ва истифодаи захираҳои оби дарёҳои фаромарзиро баррасӣ карданд.
Ҳамчунин дар ин мулоқот масъалаи таъйин ва аломатгузории хатти сарҳади давлатӣ, истифодаи пурраи имкониятҳои Комиссияи байниҳукуматӣ оид ба делимитатсия ва демаркатсияи сарҳади давлатии Тоҷикистону Қирғизистонро мавриди баррасӣ қарор додаанд.
Дар мулоқот масъалаи фароҳам овардани шароити мусоид барои рушди бештари тиҷорат, фаъолияти муштараки сармоягузорӣ ва истифодаи пурраи иқтидори транзитӣ бояд чораҳои фаврӣ андешида шаванд.
Руслан Казакбоев 19-уми ноябри соли равон ба Душанбе ворид гардид, қабалан Вазорати корҳои хориҷӣ хабар дода буд, ки Казакбоев бо Сироҷиддин Муҳриддин ва дигар намояндагони ҳукумати Тоҷикистон мулоқот анҷом медиҳад.
