Аз Додгоҳи ҷиноии байналмилалӣ (Додгҳи Лоҳой) хоста шуда, ки ҳукми боздошти роҳбарони Толибон, аз ҷумла Ҳайбатуллоҳ Охунзода ва Абдуллоҳ Ҳаққониро содир кунад.
Карим Аҳмад Хон, додсидтони Додгоҳи ҷиноии байналмилалӣ талаби судури ҳукми боздошт, роҳбарони Толибонро, ки аз соли 2021 қудратро дар Афғонистон дар даст доранд, гумонбар дар ҷиноят алайҳи башарият, бинобар табъизи густурда алайҳи занон ва духтарон дар ин кишвра медонад.
Додситон дар ин дархости худ, ки рӯзи 23-уми январ ироа карда, муддаӣ шуда аст, ки Толибон аз соли 2021 то ин дам дар “нақзи ҳуқуқи занон бар асоси табъизи ҷинсӣ, ки боиси нақзи паҳлуҳои зиёди ҳуқуқҳои асосӣ, аз ҷумла озодии ҳаркат ва баён, таҳсил, ҳаёти шахсӣ, оилавӣ ва озодии ҷамъомадҳо” масъул ҳастанд.
Додситон ҳамчунин таъкид карда, ки ба зудӣ талаби боздошти дигар роҳбарони гурӯҳи Толибон сурат хоҳад гирифт.
То ҳол вокуниши Толибон дар ин бора нашр нашудааст, аммо пештар чанд дафъа роҳбарони ин гурӯҳ даъво карда буданд, ки бар асоси шариати ислом ва расму анъанаҳои мардумӣ, ба ҳуқуқи мардуми Афғонистон арҷ мегузоранд.
Бояд гуфт, ки аз замони расидани Толибон ба қудрат дар Афғонистон духтарон аз ҳаққи таҳсил дар мактаб аз синфи шаш боло маҳрум шуданд ва ҳамчунин аз ҳаққи таҳсил дар донишгоҳҳо низ омӯзиш гирифта наметавонанд. Ҳамзамон занон иҷозаи рафтан ба боғҳои истироҳатӣ, бошгоҳҳои варзишӣ ва бе маҳрам рафтан ба сафарҳои тӯлонӣ ҳақ надоранд.
