Раисҷумҳури собиқи Амрико Доналд Трамп бо иттиҳоми наве рӯбарӯст, ки бояд бо довталабона рафта, худро дар зиндони шаҳри Атланто таслим кунад.
Гуфта мешавад, Трамп бо пардохти ҷаримаи 200 ҳазор доллар озодии машрутро ба даст меорад, вале аввал бояд боздошт бишавад. Ӯ розӣ шуда, ки рӯзи панҷшанбе худро ба бахши интизомии Фултони Атланта таслим кунад.
Собиқ раисҷумҳури Амрико дар як паёме дар шабакаҳои иҷтимоӣ хабар дод, ки “рӯзи панҷшанбе ба шаҳри Атланта меравам то боздошт бишавам.”
Гуфта мешавад, аз ҷониби додгоҳе дар Амрико алайҳи Доналд Трамп парвандаи наве изофа шудааст, ки тибқи он собиқ раисҷумҳур ба талош барои тағйири натиҷаи интихоботи президентӣ дар соли 2020 муттаҳам мешавад.
Ин чорумин парвандаи ҷиноятӣ аст, ки алайҳи Доналд Трамп боз мешавад. Ҳамзамон ҳамроҳи ӯ 18 нафари дигар низ муттаҳам мешаванд. Аммо маълум нест, ки ҳамаи онҳое, ки ҳамроҳи Трамп дар ин ҷиноят муттаҳам ҳастанд, собиқ аъзои кобинаи ӯянд ё шахсони дигар.
Гуфта мешавад, тибқи қонуни ин кишвар, муттаҳамон бояд худро ба таври довталабона ба зиндони Фултони Конти муаррифӣ кунанд ва дар акси ҳол онҳо аз ҷониби пулис расман ва бо зӯр боздошт мешаванд.
